ASEEES News

Wednesday, July 08, 2020

[Armenian Trans.] ASEEES Statement Condemning Systemic Racism and Police Brutality

Published July 8, 2020

Original statement in English

Սլավոնական, արևելաեվրոպական և եվրասիական հետազոտությունների ասոցիացիան դատապարտում է համակարգային ռասիզմն ու ոստիկանության վայրագությունները 

Հրապարակվել է 2020 թ․ հունիսի 4-ին  

Սլավոնական, արևելաեվրոպական և եվրասիական հետազոտությունների ասոցիացիայի գործադիր կոմիտեն և բազմազանության և ներառականության պաշտպանության հանձնաժողովը հայտարարում է․  

Սլավոնական, արևելաեվրոպական և եվրասիական հետազոտությունների ասոցիացիան (ՍԱԵՀԱ) դատապարտում է Ջորջ Ֆլոյդի, Ահմաուդ Արբերիի, Բրեոննա Թեյլորի, Էրիկ Գարների, Մայքլ Բրաունի, Դարնեշա Հարիսի, Թամիր Ռայսի և շատ ուրիշների դաժան սպանությունները: Մենք նաև դատապարտում ենք բողոքի ցույցերն ուժի գործադրմամբ ցրելու տեղական ոստիկանության որոշումը, ինչպես և ԱՄՆ-ի վարչակազմի՝ իրավիճակը սրող գործողությունները: Մենք համերաշխությամբ սատարում ենք սև և լուսանցքում հայտնված այլ համայնքների միասնական գործողություններին և դեմ ենք գունավոր մարդկանց ուղղված ոստիկանության համակարգային բռնությանը: Մենք ճանաչում ենք, որ ԱՄՆ-ում սև մարդկանց ապամարդկայնացումը մեր ստրկատիրական անցյալի ժառանգությունն է և ռասիզմի սարսափելի հետևանքը:

Որպես Կենտրոնական և Արևելյան Եվրոպայի և եվրասիական պատմության և հասարակության ոլորտի գիտնականներ և ուսանողներ, մենք մոտիկից գիտենք, թե ինչ վայրագություններ են կատարել ավտորիտար ռեժիմները, որոնք ռազմական ուժի և գաղտնի ոստիկանության կիրառման միջոցով զրկել են մարդկանց հավաքների և ազատ խոսքի իրավունքից: Բայց մենք գիտենք նաև այնպիսի մարդկանց, որոնց անհատական և խմբային խիզախ գործողություններն այդ ռեժիմների դեմ պայքարում որոշ դեպքերում հանգեցրել են հեղափոխության: Մեզ քաջ ծանոթ են նաև այնպիսի ղեկավարներ, որոնք հայտարարում են, որ ցուցարարներն արժանի են իրենց դեմ ուղղված ուժի գործադրմանը, ինչի միջոցով էլ ճնշում են ցույցերը՝ հանգեցնելով ավելի խորը ավտորիտարիզմի: Սա անթույլատրելի է ժողովրդավարության պայմաններում: 

Քանի որ մեր ժողովրդավարությունը ճգնաժամի մեջ է, հայտարարում ենք, որ հիմա՝ առավել, քան երբևէ, կարևոր է ներգրավվել անդրադարձման և բովանդակալից գործողության մեջ՝ ավելի մեծ բազմազանություն և տարածքներ ստեղծելու նպատակով, որպեսզի գունավոր գիտնականները մեր ոլորտում և դրանից դուրս իրենց զորացված զգան կենտրոն բերելու լուսանցքային հեռանկարներ և զարգանալու որպես հետազոտողներ և ուսուցիչներ: ժամանակն է  անդրադառնալու մեր ասոցիացիայի պատմությանը, աշխատելու համակարգային անհավասարությունները չեղյալ հայտարարելու ուղղությամբ, լինելու ավելի ներառական և պաշտպանելու մեր այն գործընկերներին, որոնց ռասան կամ տնտեսական իրավիճակը նրանց խոցելի է դարձնում մեր հասարակության մեջ:

Որպես ժողովրդավարություն հռչակած ԱՄՆ-ի ասոցիացիա, մենք իրավունք և բարոյական պատասխանատվություն ունենք ոտքի ելնելու հանուն արդարության: Որպես հետազոտողներ և ուսուցիչներ, մենք հանձնառու են երկխոսության, անդրադարձման և հանրային ներգրավվածության: Մենք կոչ ենք անում մեր անդամներին օգտագործել իրենց փորձը ինչպես դասարանում, այնպես էլ հանրային քննարկման հարթակներում`մասնակցելով ռասայի և ռասայական արդարության վերաբերյալ քննարկումներին: Գիտական ու ստեղծագործական աշխատանքը կարող է լինել հզոր գործիք ռասիզմի և ռասայական բռնության դեմ պայքարում, և այսօր մենք պետք է այս կերպ օգտագործենք այդ գործիքը: Մենք հաստատում ենք նաև, որ կրկնապատկելու ենք անվտանգ, հավասար և արդար համայնք ստեղծելու մեր ջանքերն ամեն տեղ, որտեղ ապրում, սովորում, սովորեցնում և աշխատում ենք` սկսելով մեր սեփական կազմակերպությունից և ոլորտից:

More ASEEES News

ASEEES News
  • Ohio State U CSEEES Affiliated Faculty Promoted

    The Ohio State University College of Arts and Sciences, Division of Arts and Humanities promoted to Professor: Nicholas Breyfogle (Department of History)Alexander Burry (Department of Slavic and East European Languages […]

  • ASEEES Closed for Memorial Day

    The ASEEES office will close early on Friday, May 24 and remain closed on Monday, May 27th for Memorial Day. The office will reopen on Tuesday, May 28th.

  • May 2024 issue of NewsNet out now

    Cover Article: “Teaching and Learning Soviet History through the Unessay” by Paula Michaels; “Research in Moldova in 2024: Access to Archives and the Future of Moldovan Studies” by Igor Cașu; […]